Thursday, 15 May 2014

“厚多士”?細路仔係要教嘅!


呢排啲 news,無謂得來重令人好煩厭,早前為啲“C C 鳥鳥”無無謂謂拗一場,早兩日又嚟一單,一個強國女人帶住個仔喺地鐵食野,重大聲夾惡鬧其他叫佢唔好食嘅人“厚多士”(好多事)。

S 發覺,無論係隨處大小二便,定係違規食野事件,啲大人都攞“細路仔”嚟做擋箭牌丶做藉口,一句“細路仔”唔忍得丶“細路仔”要食野。。。

大晒!!

其實,大家都做過細路仔,明白守規矩丶為別人設想丶有公德心呢啲野係要學嘅,父母教導細路仔係責無傍貸,而且習慣係要從小養成,今日唔教,試問大個咗又點會識呢?

而且,真正醒目嘅細路仔,大大吓會從觀察中學習,有廉恥嘅人,只會覺得咁嘅父母不可理喻。

只不過,當身邊所有人都係咁,後果好難預料。。。

另,今日在有線新聞台睇到一則內地新聞,話說有個清潔女工,因為叫一個由得“細路仔”喺快餐店隨地大便嘅女人搵啲紙墊住,點知果個女人打到個 60 幾歲嘅清潔女工殘廢咁濟,真係令人好擔心,當果啲喺咁嘅環境長大嘅“細路仔”成人之後,個社會會變成點樣!!


. 

2 comments:

新鮮人 said...

隨地大便仲要打阿婆,
真係人渣,
唔死都無。

雖煞唔可以一竹篙打一船人,
但成日見內地有咁樣衰格的人,
難怪不少人會歧視內地人,
一粒老鼠屎會弄糟一煲粥,
何況唔止一粒,
可悲。

S said...

新鮮人,如果唔知前因,淨睇打人果段,簡直以為佢地有深仇大恨呀,好心寒!讚成雖然唔可以一竹篙打一船人,但實在太多啦!

Related Posts with Thumbnails