Tuesday, 6 May 2014

旺角商場有新踎廁


今日去咗位於旺角火車站上蓋嘅新世紀廣場(定叫商場),呢個場前果場裝修咗一段長時間,而家開返大部份,去行一陣,其間人有工急,當然係搵洗手間解決啦,方便完之後攞咗部手機出嚟想影啲啲野,雖然當時除咗清潔嬸嬸冇其他人,但話晒係洗手間裡面,唔可以亂影相,所以先同清潔嬸嬸講聲先。。。


S:我想影低個牌,話比啲人知呢度有踎廁。。。

清潔嬸嬸:影啦丶影啦,話比多啲人知好呀,有啲人特登搵(踎廁),以前冇都踎喺度亂痾,好鬼污糟,鬼死咁難洗。。。

S:咁而家有希望啲人唔好亂嚟啦。。。

係囉,隨便大小二便果啲人,希望可以想想洗廁所(或者總之做清潔)果啲人嘅難處,真係好難頂架!

雖然唔知有幾多強國人會睇 S 呢個 blog,但都寫出嚟等大家知道吓,旺角唔止有廁所,商場入面連都踎廁都有。

No comments:

Related Posts with Thumbnails