Saturday, 24 May 2014

Saturday。點解自己煮?


星期六,原本想朝早做運動,雖然並不太遲起床,但咪咪摸摸一輪丶悠閒食過早餐,太陽已經好猛,不宜爆曬,於是先到銀行辦點事,之後已經是午飯時分。

午飯過後,返屋企寫尋晚想寫的 blog,然後,又玩焗爐,今次製作了蜂蜜 muffins 做下午茶,好味!

黃昏時分,太陽已沒有日間那麼兇,於是出動做運動,在日光之下,步行了 3km,渾身出汗,好健康。

返到屋企,預備晚餐,今期係苳菇蒸雞丶安格斯一口牛丶加蒜茸灼椰菜。Mrs McDonald 在美女 group chat S 點解呢排成日下廚?星星重揶揄 S 一定係最近睇咗 M Club (電視劇)丹丹!

實情係,上星期某一晚,廚神母親出咗街,唔得閒煮飯,於是放工之後喺屋企附近買外賣食,果碟北菇蒸雞好丶好丶好難食呀,完全貨不對版!所以要自己煮嚟食吓!

哈哈,唔好笑 S Q,雖然廚技有限,只煮啲簡單野,但肯定好過 M Club 裡面呀丹丹囉!

2 comments:

新鮮人 said...

得閒落下廚不單開心,
仲健康有益,
好事丫。

S said...

讚成!

Related Posts with Thumbnails