Tuesday, 17 June 2014

到九龍城買陳年糟滷(醉雞汁)


剛過去的星期六,早上起床精神奕奕完成了人生中第一個 “45 分鐘”緩步跑後,回家洗個暖水澡,到港島和家人吃早來的父親節午餐。

午飯過後沒有特別事情做,回家路上即興 detour 往九龍城買糟滷,皆因廚神母親的朋友,提供了資料,話說 S 吃過最好味的糟滷(醉雞汁),是在位於九龍城候王道的新三陽(上海)南貨買的。

店鋪位於九龍城街市(市政大樓)對面,由於車泊了在另一邊的街道,反正要經過街市才可找到候王道,於是又再一次 detour 先往街市一行。。。

哈哈,竟然給 S 在街市一樓的某雜貨鋪看到“目標”,向嬸嬸問問價錢, 15 元一瓶,雖然並不知道這個算是貴還是便宜,但聞說“新三陽”乃“名店”,又是“街鋪”,價錢理應不會比街市一樓裡的小店便宜,而且預算送兩枝給好友 JCOkay,於是一次過“大手”入了 5 枝!

但精打細算的 S,既然一場來到了附近,又怎會不到目的地一遊?

從候王道出口離開九龍城街市,無需四出找尋,因為新三陽南貨就在街市出口正正的對面。S 明顯是“生客”,甫進店鋪,老店員伯伯便問。。。

伯伯:要乜野?

S:曹滷。。。

伯伯:糟滷呀。。。係咪?

S:係呀,應該。。。有冇呢隻呀?(給相片伯伯看)

伯伯:呢隻冇賣喇,買而家呢隻(一邊拿新的給 S 看)。。。

S:有咩唔同呀?

伯伯:你果隻係“一年”,而家呢隻係“三年”。。。

S:好啲咩?

伯伯:梗係好啲啦,耐啲丶更加夠味吖嘛!你一定要買果隻咩?

S:唔係呀,不過食過,朋友介紹,諗住買返同一隻之嘛。你地唔賣嗱?咁而家呢隻幾錢呀?

伯伯:冇賣你果隻喇,呢枝 18 蚊。。。

S:哦,咁好吖,比一枝我吖。。。

伯伯:同你果種爭一蚊啫。。。

S:哦,以前果枝 17 蚊?要住一枝先。。。

伯伯:唔要多幾枝?

S:好味再返嚟買吖嘛!

哈哈,既然對面街市有從前那種,不久將來也應該有新“三年”這種,一街之隔差兩元一枝,下一次,當然繼續光顧街市的嬸嬸了!!

晚上好友 JC 一家到訪一起晚飯,efficient 地已把兩枝“一年”的送了給她,期待吃她煮的好餸,順道偷師,Yeah


4 comments:

新鮮人 said...

點用架?
係咪同李乜記的醉雞汁一樣咁用架?
好味好多架?

唔該!

S said...

新鮮人,Yes,同醉雞汁一樣用法,佢已調咗味,比李?記濃,個人覺得夠晒無需加其他野,但 S 的好友,鍾意更重酒味,所以佢會加花“鵰”(唔識寫)或玫瑰露(都係酒)。

S said...
This comment has been removed by the author.
新鮮人 said...

謝過!

Related Posts with Thumbnails