Monday, 2 June 2014

新手上路整 cookies。唔識分大細


自從老朋友於 4 月送咗個焗爐比 S,都係嘗試造 cakes muffins 等蛋榚類,今日第一次試造 chocolate cookies,好攪笑,原來 S 係唔識分“大”“細”嘅。

話說 S 採用嘅 pre-mix 上說明,regular size cookies 7-10 分鐘,而 large size 就焗 11-15 分鐘,而說明亦都寫咗,包裝嘅分量可以造 36 cookies

Okay,根據指示 mix 好晒啲材料之後,開始分。。。

平常街買的 cookies,多數大概 2 吋大,以 S 的焗爐的 size,每次大概可以焗 8-9 個,預算要焗 4 轉,但第一次“落手”,唔係太懂得分“輕重”,結果太“重手”,整得太大份,第一轉只放得落 6 個,超攪笑,焗出嚟嘅製成品,大過最大最靚嘅苳菇!但雖然大咗小小,依然香脆,喺第二轉都未焗好時,已經食咗大半

由於第一轉嘅“失敗”,唔敢即刻再分住,等第一轉完成,知道點樣“預算”,於是第二轉每份分細小小,結果整咗 8 塊,但 S 唔知 cookies 係唔會好似 muffins or cup cakes 咁發高嘅,夾硬試用“印模”去“括”住其中三份,希望整個心型丶豬仔丶同聖誕樹,點知,結果騎呢兼失敗!不過唔緊要,皆因失敗乃成功之母,於是繼續嘗試第三同第四轉。。。

終於掌握到份量,第三轉同第四轉,無論從大小或賣相,與街買的 cookies 比較,都算得上似樣,hurray

後記,給自己的 notes
由於焗爐比較小型,雖然係造所謂的 regular size,平均烘焙時間大概 13.5 分鐘,而因為焗爐內溫度唔平均,焗咗一半時間之後,要將擺位前後排掉轉,好讓 cookies 得到平均的溫度。

2 comments:

Ebenezer said...

雖然不知味道如何,但賣相都算不錯的啊^^

S said...

都幾好食架 ^_^
美中不足嘅係我用打蛋器打散埋啲 chocolate chips,下次用手打,等啲朱古力唔好醉晒 :-P

Related Posts with Thumbnails