Monday, 2 June 2014

Shopping 也是緣份


早前行過 New Balance,發現 S 鍾意的 996 Mrs. Mc 鍾意的 574 都有新色,於是拍了下來話比 Mrs. Mc 知。

雖然 S 鍾意粉紅色果對,但成八佰蚊買對波鞋,而且已經有一對同款但啱冬天嘅色,S 當然唔會第一時間飛身入貨,反正呢啲唔係必需品,最好等減價,到時冇的話,隨緣!

過咗一兩個星期,期間經過唔同嘅鋪頭,發現原來唔減價,都會賣到斷碼,個別鋪頭甚至賣晒(不得不配服 NB Marketing 技倆),於是尋晚去 NB 問下,如果粉紅色重有的話,破一次戒,唔等減價,結果係。。。

粉紅色 996 喺兩星期前,即係推出之後幾日,已經賣斷碼,替 Mr. Mc 問埋 紫色 574,結果一樣!

這個嘛,同上年 S 想買嘅另一樣野情形一樣,推出時一啲都唔平,當然要三思而後行,而且 S 最想要嘅,亦喺推出嘅第一個早上已經售馨,以 S 嘅性格,唔會退而求其次丶為買而買而揀一件返屋企,於是一直等,等到最近二手市場開始流轉,但係始終都係。。。


等緣份!

No comments:

Related Posts with Thumbnails