Saturday, 19 July 2014

恐怖頭暈(三)。。。失蹤兩星期


失蹤兩星期,S 去咗邊?有乜野可以令 S 連最鍾意嘅寫網誌都要停下來?

一字記之曰。。。病!

話說整完個心形芝士蛋糕個周末,之後嘅星期一朝早如想起身返工時,忽然感到旋地轉,好幾年之前試過嘅頭暈,喺毫無預兆之下,忽然來襲,驚!因為天旋地轉嘅暈法,好恐怖,令人無法辦認方向,隨時跌低,會撞傷,而更恐怖嘅係,病當然想瞓覺休息,但 S 嘅奇怪頭暈竟然係瞓低時暈得最勵害,簡直想死!

又暈又嘔,唔肯定乜事,想快啲治理先(一向覺得西醫快過中醫),於是,第一日睇去西醫,點知斷唔到症,只係比咗止暈同頭痛藥,食完唔止冇好轉,重惡化,食咗止暈藥都暈到天翻地覆!

第二朝更食乜嘔乜,甚至唔食都嘔,n 年未嘔過嘅 S,一朝嘔咗 5 次,真係黃膽水都嘔埋出嚟,暈到連落樓搭的士去睇醫生都唔敢,原先無法入睡,但喺又餓又攰嘅 condition 之下“昏迷”咗幾個鐘!

之後原本想去睇耳鼻喉專科,但最近好友頭暈,同 S 幾年前結果都係由中醫治好,於是下午趁冇咁暈時速速去睇上次醫好 S 嘅中醫,診斷係感冒同中暑!食咗一劑中藥,當晚即時止嘔兼暈少咗,雖然依然“浮下浮下”,但至少不再天旋地轉!

食咗兩日中藥,好似好咗好多,星期四早上上班去,結果支持唔住下午要返屋企,但果朝最大嘅得着係,同上三代都係中醫嘅同事嘅一夕話,佢提醒咗 S 一個好重要嘅 point,於是同日下午再去睇中醫時,將一個重要徵狀話比醫師知,佢同同事嘅“診斷”一樣,於是除了開藥比 S 之外,亦開始針灸,於是又好轉咗一大步。

如是這一直“浮下浮下“咁生活,雖然暈少咗好多,但瞓低時四周圍都會轉幾個圈至回復正常,辛苦又好煩!

頭暈係好難治理同斷尾,加上今個星期感冒“返轉頭”, 所以今日繼續睇醫生同針灸,直至今日嘅兩星期之內,睇咗一次西醫,5 次中醫,其間針灸咗四次加(外)敷藥。。。

Finger crossedblessing for myself,頭暈遠離 S



. 

4 comments:

新鮮人 said...

健康勝萬金,
好好休息,
早日康復。

好的中醫難求,
庸醫卻一大籮,
能找到一個好的,
你很有福氣。

攞你命三千 said...

保重啊
係咪要做做body check呢?

S said...

新鮮人,三千,謝謝關心。是的,好的醫生難求。另,每年都做 regular body check, 嚟緊 8 至 9 月會做。不過之前會去旅行先, 希望快啲好返。:-P

Vicky Lai said...

可以介紹那位中醫給我嗎?我的電郵是vicky_hellokitty2002@yahoo.com.hk
萬分感激!頭暈病人上

Related Posts with Thumbnails