Saturday, 27 September 2014

Formula 1 Singapore GP。買飛攻略

知道 S 去睇 Formula 1 賽車之後,唔少朋友問買飛要幾錢,聽到 S 係睇最貴嘅 zone 時,大部份人第一時間反應都係一聲,洗唔洗呀?

哈哈,其實 S 喺第一次上網搜集資料,理解吓啲飛嘅價錢時,發現啲 pricing 五花八們。。。


未去過完全無從入手,唔知點揀至啱,見到最貴果啲價錢,反應同朋友們一樣,但好彩嘅係,S 唔識就問朋友。之前睇過嘅朋友話,有心睇賽車嘅話,一係唔好睇,要睇就睇最好嘅位。如果唔夠錢,儲到夠錢至去,如果夠錢買飛但整體預算比較緊,就住平啲嘅酒店,都要睇最好嘅位。

點解呢?

第一,位置。。。睇賽車,最精彩又重要嘅包括起步,包括起步前拖架車出跑道按裝(以下片段)、完車預備起步時 “fung fung” 聲嘈到拆天嘅感受、轉入衝線前大直路嘅彎位、pit stop 即整車換 tyres 所有預備架車嘅地方、仲有頒獎台,呢啲所有野,喺每個跑道,都係 pit grandstand (Sinapore 賽車場嘅 zone 1)。。


其次嘅位置,係各個入彎位,揸車嘅人都知道,入彎係 overtake 嘅最好時機 (其實一啲都唔容易做到),所以第二貴嘅飛,通常都係喺個賽車場唔同嘅轉彎位,咁就要先 study 吓每個場嘅形狀至可以決定。如果去 Singapore 睇主力係睇演唱會,zone 4 係幾好嘅選擇,但係以睇賽車角度,同 zone 1 可以話係冇得比。

第二,日子。。。總決場果日,當然一定要睇,所以啲飛一定係最貴。但遠道從香港 travel 去睇,夠時間嘅話,睇埋其他賽事如 Porsche Carrera Asia Cup Masters Historic (呢個唔知係咪年年有),重第一丶二日所有賽事嘅 practice sessions qualifying session,再加上 Singapore GP 獨有不同口味嘅 concert,一字記之日“正”!尤其因為 S join 埋朋友們一齊預早半年就買飛,計埋 early bird group tickets discount,買晒三日可以入晒所有 zones 同所有 events passes,只係比 final day 果日嘅 zone 1 day pass 貴一成左右!

一早訂飛嘅另一好處係,重可以註明想座喺邊隊車隊對面,朋友都係 Red Bull 粉絲,所以,我地嘅位係對正佢地,重要係對到正 Daniel Ricciardo Sebastian Vettel,美中不足嘅係,我地座得夠晒前(第二行),但唔夠高,唔係每次入 pit 都可以睇到以段片嘅換呔情況,但由於夠前,睇賽事時感受特別好!想查閱 Singapore GP ticket pricing 的話,可 download 佢地個手機 apps Singapore GP”。。。


註:S 買嘅雖然係最貴嘅飛,但始終只係“平民”看台,因為 pit grandstand pit building 上面都有包相,全部都係由贊助商或大公司包晒,送比佢地嘅客戶或員工。S 有朋友曾經喺幾年前某大 sponsor 做工,佢地會攞部份飛比員工認購,但朋友冇再喺果度做, sponsor 亦都換埋,無緣!



No comments:

Related Posts with Thumbnails