Sunday, 9 November 2014

換戲飛攻略。單身男女 2

尋晚(星期五)買完 Timberland shorts,發現商場(奧海城)原來做緊 promotion,以兩張唔同商戶嘅發票,總共消費 $800,可以免費換領「單身男女 2」戲飛 coupon 一張。哈哈,喺 Timberland 夾埋其他野,剛剛買咗多過 $800,查詢之後,原來另一張單無論係幾多錢都得,於是到 Marks & Spencers 買包餅,就換咗一張免費戲飛。但係,想要多一張的話,要洗多 $800,並唔係小數目。。。

S 問職員:請問啲飛送到幾時?

職員:唔知架,一共 500 張,送完即止。。。

S:哦。。。而家成 9 點,我無端端買唔到咁多野,如果我聽日嚟,應該重有冇飛呢?同埋,如果唔係一齊換,到時係咪一齊坐?

職員 (查看 coupon 之後):應該重有,但我唔知係咪一齊坐。。。

排在 S 前面剛剛換了三張 coupon 的男士說:買 coupon 都得架喎,我頭先就喺萬寧買咗二千幾銀,你而家去買都得喎(意思趕得切尋晚換飛,service counter 十點閂)。。。重有,呢啲係換(戲)飛嘅 coupon,去到戲院換飛時至劃位,一定一齊坐架。。。

S:咦,係咩?

男士:係呀,總之一定要簽咭比錢 (這是商場設的遊戲規則),不過你最好打電話去萬寧問吓先,我頭先買完,佢地好似冇晒貨。。。

S: 噢,咁都得?唔緊要,我買佰佳 coupon 都有用。

男士:快啲去買啦,袋錢落你袋呀。。。

S:哈哈,唔該晒!

S 知道反正戲飛 coupon 未派晒,返屋企食飯,星期六至再去換,先喺商場內嘅食肆食晏,再到佰佳買咗與餘額相等嘅 coupon,於是又換多一張戲飛 coupon

好野,可以免費睇戲!



No comments:

Related Posts with Thumbnails