Saturday, 1 November 2014

問路天使。行路去旺角

星期五早上,奧運站往香港的月台上,S 帶了耳筒聽收音機一邊等車,前面有 4 個不同年紀的男士,全部沒有帶耳筒,忽然一把女聲在傍邊說:小姐丶小姐。。。

S 轉頭過去,看到一個婆婆,S 用手指着自己,用眼神向婆婆示意,是叫 S 麼?婆婆點頭,於是 S 把耳筒除下。

婆婆說:由呢度點去旺角呀?

S 在想,應該走路去最快,但未說,先問問:你想去旺角邊度呀?

婆婆:亞皆老街果頭。。。

S 仍然在想,但前面的男士 1 說:喺呢度,搭去香港站,然後轉中環線。。。

婆婆:吓。。。

Shmm … 其實,呢度行去旺角係最快

男士 1:但佢入咗閘喇喎。。。

S 向男士 1 說:但行路真係快啲喎。。。

S 轉向婆婆說:如果喺呢度搭地鐵,去到香港站,淨係行去中環站嘅時間,同你由呢度行去旺角差唔多,重要在喺果度再搭地鐵返旺角。。。

男士 1 點頭讚同,沒說話。

站在男士 1 前的伯伯說:係呀,我由呢度去旺角,次次都係行路。。。

婆婆:咁我要去返去先呀?

伯伯丶S 同男士 1 異口同聲:係呀。。。(S 見伯伯講緊野,於是停下來)

伯伯繼續:你行三期果邊,一路跟住天橋,就到架喇,如果唔係搭小巴,46。。。

S:睇指示行三期,就搵到,如果想搭小巴 46 係行另一邊,如果你唔識,出咗閘之後問吓啲職員先至行。。。

婆婆:哦,咁我行邊度出。。。

S 指了出閘的方向。。。

婆婆開心地說:唔該晒!

婆婆動身離開之際,剛好車到了!



1 comment:

Coffee said...

我好耐無去旺角。

Related Posts with Thumbnails