Monday, 11 May 2015

若無相欠,怎會相見!

神婆 T 是個好可愛的人,每次有她的聚會,焦點總會集中在她身上,但更可愛的是,S 常常揶揄她,她依然當 S 是家人(在眾 beauties 好友中,T 只會和 S 嗌交 :-P),而且,久不久,T 總要舊事重提“那些年”S 有不少男生追(求),可是不知怎地,S “竟然”選擇了和現在身邊那個人(T 覺得不夠好的那個人)在一起,S 今次給 T 的答案是。。。

S:你有冇睇你果個修行(佛學)嘅朋友寫嘅“三世因果”呀?

T:冇呀,講乜架?

S:前世今生,因果業力。。。主要講父母同仔女之間嘅緣份,點解父母會偏心,又點解有啲人明明父母冇咁錫佢,佢都對父母特別好,都係往生留落嚟嘅因同果。。。

T:今次果篇我冇睇。。。

S:前世唔一定係上一世,可以係好多次嘅往生,我地唔會記得,但“果”反映喺今世遇上嘅人同事,唔止父母同仔女,同其他人嘅緣份亦係咁。。。今世做夫妻,係嚟“了。結。恩。怨”架。。。哈哈哈!

T:我記得佢(修行朋友)同我講過一個故仔,話咩我同唔到果個人一齊,因為上一世我只係望吓佢,但佢老婆葬咗佢。。。我唔識講,我冇佢表達得咁好。。。

S:我都睇過果個故仔,咁你又真係表達唔到囉。。。(註:那應該是 S 曾經轉貼過的“前世浮屍,今生情人”按此閱讀

T:我重記得,朋友又講過,今世遇到嘅其他人,都係前世有啲野嘅,我唔記得佢點講,但我 forward 過比 I 睇。。。

T 在聚會之後一天,找了那段話出來,與眾 beauties 分享。。。

釋家牟尼的一句話:“無論你遇見誰,他都是你生命裡該出現的人,都有原因,都有使命,絕非偶然,他一定會教你一些什麼”。喜歡你的人給了你溫暖和勇氣;你喜歡的人讓你學會了愛和自持;你不喜歡的人教會了你寬容和尊重;不喜歡你的人讓你知道了自省和成長。沒有人是無緣無故出現在你生命裡的,每一個人的出現都是緣份,都值得感恩。。。若無相欠,怎會相見!

謝謝神婆 T 的分享,我倆今生沒有血緣,卻有如“撈亂骨頭”的家人一般“狗咬狗骨”,定是前世定下的緣份!



2 comments:

新鮮人 said...

世上 千千萬萬人,
如果每個相遇的人在上世或上幾世都曾有點瓜葛,
在千絲萬縷千萬人相亙影響的因果關係下,
這種關係網必定極端繁複的混亂,
相信就是現今的超級電腦也不能負荷,
或許只有天外神明才能處理這樣繁重的工作了。

S said...

新鮮人,其實人比電腦複雜,因為有些行為不一定跟隨所謂的邏輯而行的,而且人際關係,無需要也不應該計算,要不然,太過功利嘛!
也許因為世界不能如此繁複,所以走過孟婆橋,就要忘記前世事!

Related Posts with Thumbnails