Monday, 15 June 2015

無聊星期六。。。

星期六,有乜好做?

做乜都好,只要唔做野(工作)!今個星期六,冇乜建設性,但過得好充實。。。

朝早起身,食咗簡單早點,去做 facial,之前多數平日放工去,但因為成日遲到,又唔想太夜走,通常做啲時間比較短嘅 treatment,但自從開始改喺 weekend 做,眼面頸的 treatments 一齊做,哈哈,咁就佔咗成個朝早,relax

做完 facial,一家人去食晏,雖然只係在屋企附近食啲簡單野,但平日各有各忙,一齊食晏,同 M 傾吓無聊野,Yeah

食完晏,原本想去做運動,室外又熱又曬但又唔鍾意喺室內做 gym,又想不如去買定啲野煮晚餐,但係好懶,唔想郁,結果。。。返咗屋企。。。瞓。晏。覺!!!

哈哈,大家冇眼花,朝早起身去做 facial,理應又係瞓覺,食完晏又瞓!?

係呀,因為做 facial 時美容姐姐好多時同 S 傾偈,今次個姐姐重要係第一次幫 S treatment,所以同 S 講咗好多野,瞭解吓 S 嘅喜好,咁下次唔駛問咁多囉, okay 啦!

於是乎,晏覺。。。一瞓就瞓到 4 點幾 5 點,起身食小小下午茶,有 M 嘅現場鋼琴伴奏,好味過去酒店 high tea!最近 M 成日彈 La Companella,上次現場欣賞過李雲廸演奏,比起睇 You Tube 震撼幾十倍,而 M 就練習得更有心機同頻密,最近聽過 M 彈奏此曲嘅表妹 D 同另一兩個朋友,都話 M 比起一兩年前,進步咗好多,比個  Like 佢!

食完下午茶,又 hea 咗一輪,已是近黃昏,室外冇咁曬,終於“的起心肝”換衫去 jog / walk,落樓時,太陽已經差唔多返咗歸,好處係完全唔駛曬又冇咁熱,反而重有陣陣微風添,但壞處係 S 理應要吸收日光精華,結果只有未出齊嘅月光!

慢跑/快行咗 3.? Km 已經 sweating all over 兼無法再 walk 下去,係時候返屋企煮野食,雖然 S 嘅廚技只係有限公司,煮嚟煮去,多數係 spaghetti 類,今次asparagus丶磨菇配少量肉,夠晒健康,不過加埋蒜蓉芝士焗蝦同可樂,net off 返啲“健康” factorokay 啦,唔駛吓吓計住條數(有幾健康),otherwise 跑完丶食完一樣保唔返,總之簡簡單單又一餐,在家食得舒適,總好過出外食!

Yes,咁就過無聊但充實的一個星期六。

希望大家都一樣,預備重新出發開始新一個星期。



No comments:

Related Posts with Thumbnails