Friday, 10 July 2015

心裡的 Telephone Directory。乞人憎版

同表妹 D 講起一啲唔捨得換嘅野,話題偶然被扯到去細個時嘅屋企電話號碼,那些年,只有家居固網電話,手提電話仍然係占士邦 007 電影嘅“科幻”工具!

今時今日,大部份人已經改晒電話,或直情冇固網電話,就算有,都極少極少會打去屋企,只會用手機聯絡。但表妹舊居地址同電話號碼依然,因為 Uncle 一直冇搬過,S 腦裡即時浮現幾個“冧把”,傾咗一陣,終於忍唔住問。。。

S:係咪 。。。889 呀?

D:係呀。。。25xxx889,嘩你重記得呀?

S:其實。。。我成個冧把 xxx889 都記得,不過怕記錯,所以只講 889。。。

D:你啱呀,係 xxx889,果時港島 5 字頭,後來加喺前面,再後來又加埋 2 字,所以變成 25 …

S:係囉,果時得 6 個字,我自己個冧把都記得,我用 xxx612 1xxx889 搵你,哈哈。。。

D:我真係唔記得喇。。。

S:正常吖,我都唔知點解記得啲咁嘅野,我幾年前都寫過,記得晒細個時同學啲電話。。。

D:哈哈,係囉,你專係記埋呢啲無聊野。。。

S:我都唔知點解架,其實真係冇特登記,不過。。。

D:不過你真係冇“用力”記吖嘛,都冇“溫”過“書”就講得出。。。

S:哈哈,係呀,初時以為見到佢地 ‘click’ memory,但奇實,見唔到都噙出,例如小 S 4xxxx5F 7x7xxxxC 7x7xxxx :-P (鬼臉一個)。。。

D:你知唔知,其實你(記得啲咁耐嘅野)好乞人憎架,哈哈。。。

S:我知吖,但冇偈喎!

其實真係冇諗過要記住,不過,既然記得,又無需刻意忘記咁囉,反正有啲學說話,人嘅大腦有 95% 未開發,咁咪發揮下 idle memory 嘅作用囉!

祝大家周末愉快!

.
.

2 comments:

新鮮人 said...

我很健忘,
小時候很多細節都忘記了。

S said...

新鮮人,隨緣,記得就記,無需刻意,反正好似表妹講,記得可能好乞人憎的 XD

Related Posts with Thumbnails