Sunday, 9 August 2015

修身

早兩天 M 吃完晚飯後,沒有只顧看電視或上網,而是去了燙衫。。。

S:嘩,咁乖?自己燙衫?

M:係呀,我遲早都要學識自立丶照顧自己架啦。。。

S:係架,哈哈,你唔想好似你果個師兄咁,第一年去到外國,只著唔駛燙嘅衫呢。。。

(提外話,M 有一師兄曾分享,因為從前在家一直有工人姐姐做,不知燙衫為何物,到了英國唸書,第一年只穿 Tee shirt 或免燙的衣物,要穿恤衫時,總是“巢掹掹”,很失禮耶。最近回校分享升學心得那天,他為了尊重場合,穿載整齊,自豪的說,全身的衣物包括西裝外衣,都是自己燙的。)

回到 S M 的對話。。。

M:都係架,冇理由日日都著 Tee 恤架,始終有時要著 formal 少少嘅。。。

S:咦,你唔睇電視咩?做“中國組”喇(中國組是有線電視新聞台關於中國新聞的轉輯,M 每晚都收看)

M:我喺房用 ipad 上網睇,一路燙一路睇。。。

S:哈哈,好似人地啲工人姐姐 :-P

Mokay 啦,慳返啲時間。。 。

S:咁你燙啦,開冷氣呀,好熱。我去食飯。。。(S 因為比較晚下班,通常在 S 回到家時 M 和外婆已經吃完。)

結果 M 不但燙好自己的恤衫,還把父親的也燙好,如果有 S 的,他也會燙, 不枉 S 一直要 M 學習照顧自己,修身從懂得照顧自己開始!

他不但照顧自己,也開始懂得顧及身傍的人,給他一萬個 Like ^_^

後記,後來 S 說要寫一篇 blog,着 M 找一件他自己燙好的恤衫,他選了一件白恤衫,還叫 S 記得寫,白恤衫乃“百搭”恩物, formal casual 皆可襯!



No comments:

Related Posts with Thumbnails