Monday, 28 September 2015

Under the Sunlight。My Jogging Path

一連三日的中秋 long weekend 假期,除了和家人朋友食飯丶BBQ 諸如此類的“吹水” gatherings 之外,每朝早都由健康嘅活動開始,包括中秋迎月日同翌日(即今日)都去 walk / jog,而尋日中秋節,朝早就去咗做 facial

S 一向都算係 nocturnal animal,唔似得其他鍾意運動嘅朋友咁晨早 6 7 點就起身去跑, instead 每逢假期,S 都會瞓到自然醒,悠然食過早餐,今早重用新玩具,做埋眼部按摩,之後至施施然落樓去運動,所以早則 10 點幾至出動,今日重攪到 11 點幾丶midday 陽光最猛烈至去。

出門前,同 M 研究,會唔會有中暑危機,M 嘅回應係,中秋都過埋咯喎,唔會啦(註、:題外話,M 是不去的,他不喜歡跑,寧願獨自去游水,也不會陪 S 去跑的,盡得 S 那“自我”性格的真傳,冇辦法!)


OkayS 去做運動前的大前題係,之前有足夠睡眠,亦唔會在夏季挑戰正午嘅,既然秋高氣爽,又夠精神, go ahead

入到電梯,低幾層有個婆婆同菲傭姐姐入嚟,問 S 咁熱去運動,唔曬咩?S 心諗,唔通真係痴痴地?但冇答到婆婆,因為已經要出 lift於是今日 exercise 嘅配菜係,將 S 運動嘅地方影低。。。

經過有冷氣嘅大堂同電梯,去到平台,推開玻璃門,一陣涼風吹來,秋意極濃,一啲都唔熱,而且有唔少小朋友在玩。先在有樹蔭嘅地方熱身,路線雖然全係露天,但唔少地方有樹蔭,平路丶暗斜丶直路丶彎路一應俱全,重有西九龍同中丶上環的海景,在美景丶涼風之下吸收日光精華 vitamin D,出一身汗自然排毒, 跑完之後,在人造草地那邊“攤抖”丶selfie,比在室內焗 sauna,爽萬倍耶!



No comments:

Related Posts with Thumbnails